თბილისის მერიის ინფორმაციით, ქალაქში მიმდინარე საგზაო ინფრასტრუქტურულ სამუშაოებთან დაკავშირებით (90 მეტრიანი გვირაბის მშენებლობა), დღეს საღამოდან გალაქტიონის ხიდზე მოძრაობა ორივე მხარეს დაიკეტება. სატრანსპორტო საშუალებები ვეღარ იმოძრავებენ ელბაქიძის დაღმართიდან ხიდისკენ და - პირიქით. მერიის პრესსამსახურის განმარტებით, მძღოლებს შესაძლებლობა ექნებათ ისარგებლონ ბარათაშვილის, თამარ მეფისა და ე.წ. მშრალი ხიდით. გაუგებრობების თავიდან ასაცილებლად, ფუნქციონირებს მერიის ცხელი ხაზი - 272 22 22, სადაც სატრანსპორტო საშუალებების წარმომადგენლებს შეუძლიათ დარეკონ და გაარკვიონ, როგორ იმოძრავებენ სამარშრუტო ხაზები.
გალაკტიონის ხიდის ტერიტორიაზე სამშენებლო სამუშაოები დაახლოებით ერთ თვეში, ხოლო გვირაბისა და ახალი გზის მშენებლობა - აგვისტოსთვის დასრულდება.
