ესპანეთიდან მოსკოვში გადაიგზავნა საქმე რუსი მილიარდერის , ”ალუმინის მეფედ” მონათლულ ოლეგ დერიპასკას წინააღმდეგ. ის ეჭვმიტანილია დიდი ოდენობის ფულის გათეთრებაში. ესპანურ გამოცემა Mundo -ში გამოქვეყნებული სტატიის თანახმად , გამოძიების მონაცემებით ესპანეთში ფულის გათეთრების გადაწყვეტილებას რუსეთი იღებდნენ. ამ კონკრეტულ შემთხვევაში ლაპარაკია 2001-2005 წლებში, ესპანეთში ფულის გათეთრებაზე, რაც ხორციელდებოდა ფირმის საშუალებით - Vera Metalurgica. ესპანეთის სამართალდამცველებს ოლეგ დერიპასკას მიმართ ეჭვი მას შემდეგ გაუჩნდათ, რაც რამდენიმე წლის წინ ჩაატარეს ოპერაცია კოდური სახელწოდბით ”ოსა” და ფულის გათეთრების ბრალდებით დააკავეს ”რუსული მაფიის” დიდი ჯგუფი , მათ შორის ცნობილი კრმინალური ავტორიტეტი შაქრო კალაშოვი.
დერიპასკა რუსეთის ხელისუფლებასთან დაახლოებული ბიზნესმენია, ის წლებია ფუგურირებს პლანეტის უმდიდრესი ადამიანების სიაში. ოლეგ დერიპასკა ხშირად იყო წარმოდგენილი რუსეთის პრეზიდენტის და პრემიერ-მინისტრის თანმხლებ დელეგაციებში. ის აფინანსებს კრემლის მსხვილ პროექტებს, მათ შორის ”2014 წლის სოჭის ოლემპიადის” მოსამზადებელ სამუშაოებს.