საქართველოს საგარეო საქმეთა სამინისტრო არ განიხილავს ოფიციალური ერევნის პოზიციად აფხაზეთში ჩატარებულ ე.წ საპრეზიდენტო არჩევნებში დამკვირვებლის სტატუსით მთიანი ყარბაღის დელეგაციის მონაწილეობას. ამის შესახებ 5 სექტემბერს საქართველოს საგარეო საქმეთა მინისტრის მოადგილემ ნინო კალანდაძემ განაცხადა. ” საქართველოს საგარეო უწყება ინტერესდება ყველა საკითხით, რომლებიც საქართველოს ტერიტორიაზე არალეგიტიმურ პროცესებს უკავშირდება. ჩვენთვის ნათელია , რომ სომხეთი მხარს უჭერს საქართველოს ტერიტორიულ მთლიანობას და სუვერენიტეტს , არ აღიარებს აფხაზეთისა და სამხრეთი ოსეთის დამოუკიდებლობას და მით უმეტეს არ აღიარებს იქ რაიმე სახის არჩევნებს. ამიტომ განგაშის საფუძველი არ გვაქვს”- აღნიშნა ნინო კალანდაძემ.
