ფსონები მაღალია, რადგან ომი ჩვენს საზღვრებთანაა. უკრაინაში აგრესია ყველაზე ბოლო და უკიდურესი გამოვლენაა რუსეთის მცდელობის, შეარყიოს ევროპული ერთიანობა. ეს არის ის, რასაც რუსეთი ცდილობს, 15 წელია, რუსეთი ყველაფერს აკეთებს, რათა შეარყიოს ევროპის უსაფრთხოება და შეცვალოს ის საკუთარი პირობების მიხედვით. ეს ეტაპები ცნობილია. ვლადიმირ პუტინის მიუნხენში სიტყვით გამოსვლა 2007 წელს მიუნხენში, აგრესია საქართველოს წინააღმდეგ 2008-ში, შემდეგ მოვლენები უკრაინაში 2014 წელს და შემდეგ ისევ – 2022-ში. რასაც რუსეთი ომის დაწყების წინა დღეს ითხოვდა და გაწერილი იყო ხელშეკრულებების პროექტებში, ეს მიუღებელი იყო. ეს იყო ვალდებულებები, რომლის შესრულებაც შეუძლებელი იქნებოდა. NATO-მ შესთავაზა პერსპექტივა უკრაინასა და საქართველოს მათი დაცვის გარეშე, რამაც ეს ორი ქვეყანა რუსეთის შურისძიების სამიზნედ აქცია. ჩვენ არ მივაწოდეთ გარანტიები გარკვეულ ქვეყნებს და ამავდროულად, არ შევაჩერეთ საუბრები რუსეთთან უსაფრთხოებაზე. ასე არ უნდა მოვქცეულიყავით. ამ ყველაფერმა რუსეთზე დამოკიდებულება გაზარდა. თითოეულ ქვეყანას უნდა ჰქონდეს უფლება თავად აირჩიოს მოკავშირეები. როდესაც ქვეყანა ირჩევს დემოკრატიას, გამჭვირვალობასა და თავისუფლებას, ის არასდროს წარმოადგენს საფრთხეს თავისი მეზობლისთვის
NATO-საქართველო
მაკრონი: NATO-მ შესთავაზა პერსპექტივა უკრაინასა და საქართველოს მათი დაცვის გარეშე
