საქართველო-ევროკავშირი

ზურაბიშვილი: მინდა, დადებითად შევაფასო პრემიერის განცხადება, ეს არის სწორი

მინდა,  მივმართო ხელისუფლებას და შევაფასო დადებითად ის განცხადება, რაც დღეს გაკეთდა პრემიერის სახით. ეს არის სწორი, ეს არის ის მიმართულება, რაც ჩვენ გვინდა და, მე მგონი, ესეც სწორად იქნება შეფასებული. იგივეს ვერ ვიტყვი ზოგი პარტიული განცხადების შესახებ, რაც გაკეთდა წინა დღეებში და რომელიც არანაირად არ წაადგება ჩვენს კანდიდატურას და ევროპულ მომავალს.

ამბობს საქართველოს პრეზიდენტი, სალომე ზურაბიშვილი. პრემიერმა, ირაკლი ღარიბაშვილმა თქვა, რომ ევროკომისიამ ისტორიული გადაწყვეტილება მიიღო და საქართველოს კარი გაუღო. მისივე სიტყვებით, რეკომენდაციების დამტკიცების შემდეგ ბრიუსელთან მუშაობას დაიწყებენ. ღარიბაშვილმა ასევე თქვა, რომ უკრაინასა და მოლდოვას კანდიდატის სტატუსს ავანსად აძლევენ - "წამახალისებელი ავანსია", და, მისივე თქმით, "ნამდვილად არ მშურს არც უკრაინის და არც მოლდოვის". 

კომენტარები