გამთენიისას ფოთში ხანძარს კაცი და მისი მომვლელი ემსხვერპლნენ. ინფორმაცია ტაბულას შინაგან საქმეთა სამინისტროში დაუდასტურეს.
საგანგებო სიტუაციების მართვის სამსახურის ცნობით, ხანძარი სახლში დაახლოებით 5 კვადრატულ მეტრზე იყო გაჩენილი, თუმცა ძლიერი დაკვამლიანება გამოიწვია.
როგორც ტაბულას შსს-ში უთხრეს, გამოძიება სისხლის სამართლის კოდექსის 188-ე მუხლით დაიწყო, რაც ნივთის გაუფრთხილებლობით დაზიანებას ან განადგურებას გულისხმობს.