ბოლო ათწლეულებში ევროპის დემოგრაფიული სურათი საგრძნობლად შეიცვალა. სიკვდილიანობის დონის შემცირებამ, შობადობის შემცირებასთან და სიცოცხლის საშუალო ხანგძილობის ზრდასთან ერთად შექმნა ევროპის მოსახლეობის ე.წ. დაბერების ტენდენცია.
შობადობის შემცირება და სიცოცხლის საშუალო ხანგძლივობის ზრდა მოსახლეობის სრტრუქტურული პირამიდის ცვლილებას იწვევს, რის შედეგედაც ასაკოვანი მოსახლეობის წილი იზრდება.
ამ პროცესების შედეგად თანდათანობით მცირდება, სამუშაო ძალა და იზრდება პენსიონერთა რიცხვი. მომავალ ათწლეულში ე.წ. Baby Boom-ის (მეორე მსოფლიო ომის შემდეგ ათწლეულში დაბადებულები) თაობის პენსიაზე გასვლით, გაიზრდება სამუშაო ძალის ტვირთიც ევროპაში.
ცხადია, მოსახლეობის დაბერების პროცესი და ასაკობრივი ჯგუფების ბალანსის ცვლილება გავლენას ახდენს როგორც ქვეყნის ეკონომიკაზე, ასევე, პოლიკურ ველზეც.
საერთაშორისო საკონსულტაციო ორგანიზაცია Eurasia Group-თან არსებული, ონლაინ-პლატფორმა, GZERO Media-მ, ევროპელი ახალგაზრდების გამოკითხვების შედეგი დააჯამა და 15-24 წლის ასაკობრივი კატეგორიაში, ევროპელი ახალგზარდების მიერ დასახელებულ პრიორიტებების ჩამონათვალს გვთავაზობს.
