სურსათის ეროვნულმა სააგენტომ საკონდიტრო საწარმოში შვიდი კრიტიკული შეუსაბამობა გამოავლინა და ბიზნესოპერატორს საწარმოო პროცესი შეუჩერა.
სურსათის სააგენტოს ინფორმაციით, მათმა ინსპექტორებმა გეგმური ინსპექტირება ჩაატარეს გორის რაიონის სოფელ ხიდისთავში, ინდმეწარმე "ლალი კუციას“ საკონდიტრო საწარმოში.
"გამოვლინდა სანიტარიულ-ჰიგიენური ნორმების დარღვევა, როგორც საწარმოო პროცესის, ასევე პროდუქციის შეფუთვა-დასაწყობებისას, წყალმომარაგების არარსებობა და სხვ. ბიზნესოპერატორი დაჯარიმდა, გაიცა რეკომენდაციები. საკონდიტროს საწარმოო პროცესი შეუსაბამობების აღმოფხვრის შემდეგ აღუდგება" - აცხადებს სურსათის სააგენტო.
