საქსტატის მონაცემებით, 2017 წლის ივნისში საქართველოს ექსპორტმა $246 მილიონი დოლარი შეადგინა, რაც წინა წლის შესაბამის პერიოდთან შედარებით 46%-ით მეტია. ივნისში იმპორტმა $638 მილიონი დოლარი შეადგინა, რაც წინა წელთან შედარებით 0.5%-ით ნაკლებია.
რაც შეეხება იანვარ-ივნისის მაჩვენებელს, ამ პერიოდში მთლიანმა ექსპორტმა $1.25 მილიარდი დოლარი შეადგინა, რაც წინა წელთან შედარებით 32%-ით მეტია. იმპორტი კი $3.58 მილიარდი დოლარი იყო, რაც წინა წელთან შედარებით 8.6%-ით მეტია.
ექსპორტის ზრდის მიუხედავად ის მაინც ჩამორჩება 2014 წელს არსებულ მაჩვენებელს:
- 2012 იანვარი-ივნისი $1.14 მლრდ.
- 2013 იანვარი-ივნისი $1.23 მლრდ.
- 2014 იანვარი-ივნისი $1.41 მლრდ.
- 2015 იანვარი-ივნისი $1.08 მლრდ.
- 2016 იანვარი-ივნისი $947 მილიონი
- 2017 იანვარი-ივნისი $1.25 მლრდ.
წინა წელთან შედარებით ექსპორტის ზრდა დადებითად მოქმედებს ეროვნული ვალუტის სტაბილურობაზე.
საქსტატი კონკრეტულ მაჩვენებლებს, თუ რომელი საქონლის ექსპორტია გაზრდილი 19 ივლისს გამოაქვეყნებს.
