შიდა ქართლში პრეზიდენტის ახალი რწმუნებული დაინიშნა

ახალი რწმუნებული დღეს პრეზიდენტის ადმინისტრაციის უფროსმა დავით ტყეშელაშვილმა შიდა ქართლის რეგიონული ადმინისტრაციის თანამშრომლებს და რეგიონის მუნიციპალიტეტების ხელმძღვანელებს წარუდგინა . ტყეშელაშვილის თქმით, რწმუნებულის შეცვლით  „განსაკუთრებული არაფერი  ხდება“.
 

გიორგი ტატიშვილი 2008 წლიდან დღემდე საქართველოს პარლამენტის წევრი, გორის მაჟორიტარი იყო. ის დეპუტატობამდე საქართველოს სახელმწიფო უშიშროების სამინისტროში(1996-2007 წლები) და ფინანსთა სამინისტროს შემოსავლების სამსახურის საგამოძიებო სამსახურში მუშაობდა(2007-2008 წლები). 
 

გორის რაიონში პრეზიდენტის ყოფილი რწმუნებული ზურაბ არსოშვილი, რომელიც ამ თანამდებობაზე ეროვნული გვარდიის მეთაურობის შემდეგ შარშან ივლისში დაინიშნა, ქართული საინფორმაციო სააგენტოების ინფორმაციით, ენერგეტიკისა და ბუნებრივი რესურსების მინისტრის მოადგილედ დაინიშნება.