აშშ-ს დაზვერვის ცნობით, რუსეთი გეგმავს, ატომური იარაღი კოსმოსში გამოცადოს. აშშ-ს დაზვერვამ რუსეთის ეს მცდელობა აშშ-ს ეროვნული უსაფრთხოებისთვის სერიოზულ საფრთხედ მოიხსენია.
აშშ-ს დაზვერვამ აღნიშნული კლასიფიცირებული ინფორმაცია 14 თებერვალს პრეზიდენტ ჯო ბაიდენს და კონგრესმენებს წარუდგინა. მათი ცნობით, რუსეთმა ატომური იარაღი შესაძლოა დასავლურ სატელიტებზე თავდასასხმელად გამოიყენოს. თეთრ სახლთან დაკავშირებულ წყაროებზე დაყრდნობით The Telegraph-ი ავრცელებს ინფორმაციას, რომ ჯო ბაიდენი ამ საფრთხის შესახებ უკვე ოთხი კვირაა, რაც ინფორმირებულია.
ჯო ბაიდენის ეროვნული უსაფრთხოების მრჩეველმა, ჯეიკ სალივანმა დაზვერვის ანგარიში კონგრესის ლიდერების წინაშე 15 თებერვალს უნდა წარადგინოს.
