გარემოს ეროვნული სააგენტოს ცნობით, საქართველოში 16 ნოემბერს დღის ბოლოდან 17 ნოემბრის დღის მეორე ნახევრამდე მოსალოდნელია ცივი და ნოტიო ჰაერის მასების გავრცელება, მაღალმთიან რეგიონში - თოვლი, დასავლეთ საქართველოში - ძლიერი წვიმა და ქარი, ხოლო ზღვაზე შესაძლებელია 4-5 ბალიანი შტორმული ღელვა.
სინოპტიკოსების თქმით, ძლიერმა ნალექმა შესაძლოა, საქართველოს მდინარეებზე წყლის დონის მატება, მთიან და გორაკ-ბორცვიან ზონებში კი, მეწყრულ-ღვარცოფული პროცესების ჩასახვა-გააქტიურება გამოიწვიოს.
