20 ოქტომბერს, საღამოს საათებში რუსულმა ძალებმა უკრაინის ქალაქ კრივი-რიჰის მიმართულებით სარაკეტო იერიში მიიტანეს, რის შედეგადაც ერთი ადამიანი დაიღუპა. ამის შესახებ ინფორმაცია დნეპროპეტროვსკის ოლქის სამხედრო ადმინისტრაციის უფროსმა გაავრცელა.
დნეპროპეტროვსკის ოლქის სამხედრო ადმინისტრაციის უფროსის, სერგიი ლისაკის თქმით, თავდასხმის შედეგად დაღუპულია 60 წლის მამაკაცი, ხოლო 57 წლის ქალს ჯანმრთელობის მძიმე დაზიანებები აღენიშნება.
გარდა ამისა, ოლქის სამხედრო ადმინისტრაციის უფროსი ამბობს, რომ სარაკეტო იერიშის შემდეგ ხანძარი გაჩნდა, რომელზეც სამაშველო სამსახურმა მყისიერი რეაგირება მოახდინა.