ხონში ახალგაზრდა კაცი მოკლეს. შემთხვევა გვიან ღამით მოხდა.
მოკლულის დედა აცხადებს, რომ მისი შვილი მეზობლების გაშველებას ცდილობდა, რა დროსაც მას გულ-მკერდში ცივი იარაღით ჭრილობები მიაყენეს. ის სასწრაფო სამედიცინო დახმარების მოსვლამდე გარდაიცვალა.
შინაგან საქმეთა სამინისტროს ინფორმაციით, გამოძიება 108-ე მუხლით დაიწყო, რაც განზრახ მკვლელობას გულისხმობს. ჯერ არავინ დაუკავებიათ.
