ცენტრალური საარჩევნო კომისიის ყოფილი თავმჯდომარე თამარ ჟვანია, უზბეკეთში, ამერიკული ორგანიზაცია საარჩევნო სისტემების საერთაშორისო ფონდის (IFES) დირექტორად დაინიშნა.
ჟვანიას შესახებ ინფორმაცია IFES-ის ოფიციალურ ვებგვერდზე 13 ოქტომბერს განთავსდა.
30 ივნისს, თამარ ჟვანია ცესკოს თავმჯდომარეობიდან გადადგა. გადადგომამდე 9 დღით ადრე, 21 ივნისს, მან პარლამენტში სიტყვით გამოსვლისას თქვა, რომ გადადგომას არ აპირებდა.
ოპოზიციური პარტიების ნაწილი თამარ ჟვანიას გადადგომას 2020 წლის საპარლამენტო არჩევნების შემდეგ ითხოვდა.