შარლ მიშელის მხრიდან წარმომადგენლის საქართველოში მოვლინება ნიშნავს ერთ ძალიან კარგ რამეს, რომ მცდელობა ოპოზიციისა, რომ რაღაცა საბაბი შეექმნათ, რომლის მიხედვითაც და რომელზე დაყრდნობითაც ისინი ჩაშლიდნენ მოლაპარაკებებს და მონაწილეობას არ მიიღებდნენ გამოგონილი, რაღაც მორალური მოტივით ჩაიშალა მათი ეს მცდელობა და საქართველოში მხარეებს შორის, გარანტირებულად შეგვიძლია, უკვე ვთქვათ, რომ მოლაპარაკება გაგრძელდება და ყველა მხარეს მოლაპარაკების მაგიდაზე მოუწევს რაღაც კომპრომისების წარმოდგენა, რომელიც კარგია არა კონკრეტულად ერთი პარტიისთვის, არამედ ქვეყნისთვის...
tbl.ge/5gcr
დაკოპირდა
თქვა ქართული ოცნების აღმასრულებელმა მდივანმა, მამუკა მდინარაძემ. ევროპის საბჭოს პრეზიდენტი შარლ მიშელი, ევროკავშირის უმაღლეს წარმომადგენელ ჟოზეფ ბორელთან შეთანხმებით,საქართველოში ევროკავშირის მიერ მხარდაჭერილი შუამავლობისა და პოლიტიკური დიალოგის პროცესის ფარგლებში, კრისტიან დანიელსონს პირადი წარმომადგენლის სახით გზავნის.
საქართველოში არსებული ამჟამინდელი პოლიტიკური დაძაბულობის დაძლევის მიზნით კრისტიან დანიელსონი იშუამდგომლებს პარტიებს შორის მიმდინარე დიალოგში. იგი საქართველოში მყოფ ევროკავშირის ელჩ კარლ ჰარცელთან ერთად იმუშავებს.
ბატონი დანიელსონი მხარეებთან შესახვედრად საქართველოს რამდენიმე დღეში ეწვევა.
ეს ყველაფერი 8 მარტს გამოქვეყნებულ ევროპული საბჭოს ცნობაში წერია.
ამავე თემაზე
- პარლამენტის პიკეტირების საქმეზე სტრასბურგმა 1 აქტივისტზე დარღვევა დაადგინა, 2-ზე, არა
- ბოკერია: მკაფიო გზავნილის ნაცვლად, საპარლამენტო ოპოზიცია გაუგებარ შეთავაზებებს აგრძელებს
- ჩერგოლეიშვილი: არ შეცვლის დასავლეთი ივანიშვილს, ის უნდა შევცვალოთ ჩვენ – ქართველებმა
- ნინო დოლიძე: საქართველოს მოსახლეობა ეძებს ლიდერს, ვისაც გაჰყვებოდა
- ჯაფარიძე: ცვლილების ერთადერთი გზა რიგგარეშე არჩევნები და რეფორმებია, სხვა ყველაფერი ნ*რევაა