დიღმის მასივში, ბელიაშვილის ქუჩაზე, ძიუდოს აკადემიის შენობაში, სადაც დევნილები ცხოვრობენ, ხანძარი იყო.
როგორც ტაბულას საგანგებო სიტუაციების მართვის სამსახურში უთხრეს, ხანძარი ამ დროისთვის ლიკვიდირებულია. უწყების ცნობით, მაშველებმა შენობიდან 20-მდე მოქალაქე უვნებლად გამოიყვანეს, მათგან 4-ს კი მსუბუქი ინტოქსიკაცია აღენიშნება.
"ადგილზე ოპერატიულად იქნა მობილიზებული 10 სახანძრო-სამაშველო ჯგუფი. ცეცხლი გაჩნდა პირველ სართულზე, სარდაფში, საიდანაც ზედა სართულებზე წარმოიშვა ძლიერი დაკვამლიანება. ხანძრის შედეგად არავინ დაშავებულა. მაშვებელებმა უვნებლად გამოიყვანეს 20-მდე მოქალაქე, 4 მათგანს კი მცირედი ინტოქსიკაცია აღენიშნება და მათ სასწრაფო სამედიცინო დახმარების ეკიპაჟები ადგილზე უწევენ დახმარებას". - ამბობენ უწყებაში.
