სატელევიზიო არხმა MTV-მ ყოველწლიური მუსიკალური დაჯილდოების Video Music Awards-ის ნომინანტთა სია გამოაქვეყნა.
ლედი გაგასა და არიანა გრანდეს ერთობლივი მუსიკალური ვიდეო Rain On Me შვიდი ნომინაციით დაჯილდოების ლიდერია. გარდა ამისა, გაგა ნომინირებულია კატეგორიებში - საუკეთესო არტისტი და საუკეთესო პერფორმანსი კარანტინის დროს, ხოლო გრანდე ჯილდოსთვის იბრძვის კატეგორიებში - საუკეთესო კოლაბორაცია და სახლის პირობებში გადაღებული საუკეთესო ვიდეო.
მეორე ადგილს იკავებენ 6 ნომინაციით 19 წლის პოპ მომღერალი ბილი აილიში და ჰიპ-ჰოპ არტისტი The Weeknd. ხუთ კატეგორიაშია ნომინირებული ტეილორ სვიფტი.
გამარჯვებულებს მაყურებელი გამოავლენს. MTV VMA 2020-ის დაჯილდოება გაიმართება ნიუ-იორკში მიმდინარე წლის 30 აგვისტოს.