საქართველოს მთავრობა სასულიერო აკადემიას და სემინარიას 170 000 ლარს გამოუყოფს
მთავრობის 2019 წლის 11 ივნისის განკარგულებაში ნათქვამია:
"საქართველოს 2019 წლის სახელმწიფო ბიუჯეტის შესახებ“ საქართველოს კანონის საფუძველზე, საქართველოს განათლების, მეცნიერების, კულტურისა და სპორტის სამინისტრომ ა(ი)იპ – საქართველოს სამოციქულო ავტოკეფალური მართლმადიდებელი ეკლესიის თბილისის სასულიერო აკადემია და სემინარიისთვის ფინანსური დახმარების (170 000 ლარით) გაწევის მიზნით განახორციელოს შესაბამისი ღონისძიებები”.
ფოტო: საქართველოს მთავრობა
ამასთან, საპატრიარქოს ხშირად გადაეცემა მიწის ნაკვეთები და უძრავი ქონება უსასყიდლოდ.
EMC-ის კვლევის მიხედვით, 2016-2018 წლებში საპატრიარქოს სახელმწიფომ 801 308 კვ. მ ფართობის უძრავი ქონება გადასცა.
