ხუციშვილი წილხვდომილი თუ წილხვედრზე: ალბათ, ლევან ღვინჯილია იტყვის, რომელია სწორი

ტაბულამ ქართული ოცნების დეპუტატ ზაზა ხუციშვილს ჰკითხა, რატომ წერია პრემიერმინისტრის ინიცირებულ კანონში სიტყვა "წილხვდომილი" და არა "წილხვედრი". 8 მაისს, რიგგარეშე სხდომაზე, საქართველოს პარლამენტმა მესამე მოსმენით მიიღო შრომის კოდექსში შესატანი ცვლილებები, რომლის მიხედვითაც, 12 მაისი ღვთისმშობლისადმი საქართველოს წილხვდომილობის დღე იქნება. 12 მაისი, რომელიც ისედაც უქმე იყო (ანდრია პირველწოდებულის ხსენების დღე), საკანონმდებლო ორგანომ დასვენების დღედ გამოაცხადა. ცვლილებას მხარი 96-მა დეპუტატმა დაუჭირა.