ინგლისის პრემიერ ლიგის უკანასკნელ ტურში, "არსენალსა" და "ტოტენჰემს" შორის ლონდონური დერბი (4:2) დაძაბული და სანახაობრივი გამოდგა. დიდი ალბათობით, ინგლისის საფეხბურთო ასოციაცია "ტოტენჰემს" ფანებს აგრესიული და რასისტული ქცევების გამო დასჯის. საქმე ისაა, რომ მატჩის მსვლელობის დროს, "არსენალის" გაბონელ ფორვარდ პიერ-ემერიკ ობამეიანგს ტრიბუნიდან ბანანი ესროლეს.
"ასეთი საქციელი ყოვლად მიუღებელია!", - აღნიშნავს ინგლისის საფეხბურთო ასოციაცია.
უკვე ცნობილია, რომ დამნაშავე გულშემატკივრის იდენტიფიცირება მოხერხდა და მას სტადიონზე შესვლა აეკრძალება. საერთო ჯამში, პოლიციამ მატჩის მსვლელობისას 7 გულშემატკივარი დააკავა, საიდანაც 2 "არსენალს" ქომაგობდა.
