ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრის ინფორმაციით, მიმდინარე წლის 6 ნოემბრის მონაცემებით საქართველოში აივ-ინფიცირების 570 ახალი შემთხვევა გამოვლინდა. წინა წლის შესაბამის პერიოდში, ეს მონაცემი - 540 იყო.
სულ შიდსის ცენტრში რეგისტრირებულია 7 332 აივ ინფიცირებული პირი. მათ შორის 5486 მამაკაცია, 1846 – ქალი. პაციენტთა უმრავლესობა 29-დან 39 წლამდეა. შიდსი 3 816 პაციენტს განუვითარდა, მათგან 1 495 - გარდაიცვალა.
30 სექტემბრის მონაცემებით, არვ მკურნალობას იტარებს 4468 (3949 + 519 აფხაზეთი) პაციენტი, მათ შორის 48 (38 + 10 (აფხაზი) – ბავშვია.
რეგისტრირებულ შემთხვევათა განაწილება გადაცემის გზების მიხედვით ასეთია:
- 40.2 % (2950) - ნარკოტიკების ინექციური მომხმარებელი;
- 46.2 % (3388) - დაინფიცირდა ჰეტეროსექსუალური კონტაქტის შედეგად;
- 11.0 % (804) - მამაკაცები, რომელთაც სექსი აქვთ მამაკაცთან (მსმ);
- 1.4 % (104) - დაინფიცირდა ვერტიკალური გადაცემის გზით;
- 0.5 % (36) - სისხლის რეციპიენტია;
- 0.7 % (49) - გადაცემის გზა დაუდგენელია;
აივ ინფიცირების ყველაზე მეტი შემთხვევა რეგისტრირებულია თბილისში (2 676 შემთხვევა, მათგან 87 უცხოეთის მოქალაქეა, 2 - დაუდგენელი); სამეგრელოში 929 (აქედან ზუგდიდი - 625); იმერეთში 911 (ქუთაისი 447); აჭარაში 824 (ბათუმი – 528); აფხაზეთში (464); კახეთში (353) ქვემო ქართლში (381); შიდა ქართლში (275); გურიაში (156); ფოთში (110); სამცხე-ჯავახეთში (105) და ა.შ.
ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრის ინფორმაციით, ბოლო წლებში აივ ინფექცია/შიდსის ახალ შემთხვევათა ანალიზი აჩვენებს, რომ აღინიშნება ახალ გამოვლენილ შემთხვევათა სტაბილური ზრდის ტენდენცია:
2008 წელს - 351; 2009 წელს - 385; 2010 წელს - 455, 2011 წელს - 424; 2012 წელს - 526; 2013 წელს - 490; 2014 წელს - 564; 2015 წელს - 717; 2016 წელს - 719; 2017 წელს - 631.
2018 წელს გარდაიცვალა 114 აივ ინფიცირებული. 2017 წელს - 127. 2016 წელს - 168, 2015 წელს - 94, 2014 წელს - 84, 2013 წელს - 96, 2012 წელს - 109, 2011 წელს – 116.
2018 წელს გარდაცვლილთაგან 90 მამაკაცია, 24 ქალი.
სულ საქართველოში გამოვლენილია 109 აივ ინფიცირებული ბავშვი. მათ შორის 68 - ვაჟი, 40 - გოგონა. 27 ბავშვი გარდაიცვალა, ხოლო 3 პაციენტი გავიდა ქვეყნიდან.
შიდსის ცენტრში საქართველოს მოქალაქეებისთვის ტესტირება და მკურნალობა უფასოა. ცხელი ხაზის ნომერია: 239-80-18