მოდელი და მოდის ჟურნალ ნარგისის მთავარი რედაქტორი თაკო ჩხეიძე პარიზის მოდის კვირეულზე დემნა გვასალიას ბრენდის, VETEMENTS-ის ჩვენებას დაესწრო, მან ინსტაგრამზე ფოტოებიც გამოაქვეყნა, სადაც ის და დემნა გვასალია ჩურჩხელას მიირთმევენ. ჩხეიძემ ჟურნალ ნარგისის საშუალებით ჩვენებაზე და კულისებში არსებული ვითარება აღწერა.
"როდესაც VETEMENTS-ის ჩვენების მოსაწვევი მივიღე, უკვე ძალიან შთამბეჭდავი და ორიგინალური იყო. ეს გალხდათ ძალიან გრძელი VETEMENTS-ის გადახდის ქვითარი, სადაც მითითებული იყო ჩვენების დრო, ადგილი და მოწვეული სტუმრის სახელი და გვარი. ჩვენება პარიზის ცენტრიდან მოშორებით ძალიან ლამაზ ფლი მარკეტზე გაიმართა, სადაც საოცარი ვინტაჟური ნივთები იყიდებოდა, მათ შორის შანელის სამკაულები, ლამაზი ჭაღები და სხვა. პატარ-პატარა მაღაზიებს შორის არსებული სივრცე RUNWAY-დ იყო გადაკეთებული. შევხვდი არაერთ ცნობილ სახეს, რედაქტორსა თუ ინფლუენსერს.
ჩემთან ერთად იყო დემნას და გურამის მამა, ბატონი გურამ გვასალია, რომელიც ძალიან გულშემატკივრობს თავის შვილებს. ბევრი ვისაუბრეთ მათ ბავშვობაზე, სტუდენტობაზე და ახლანდელ მოღვაწეობაზე. ძმებს - დემნას და გურამს მართლაც საოცარი ტანდემი აქვთ. დემნა სუპერ კრეატიული, ნიჭიერი დიზაინერია, გურამი კი ბიზნესს მიმართულებით ძალიან ჭკვიანი. ერთად მათ შეძლეს ის, რომ მთელი მსოფლიოს ყურადღების ცენტრში სწორედ მათი ბრენდი VETEMENTS-ია. ჩვენებას მოდის ინდუსტრიაში გავლენიანი სახეები, ცნობილი ადამიანები, რედაქტორები და ბაიერები ესწრებოდნენ.
მიხარია, რომ ჩვენი ამდენი ხნის ურთოერთობა ესე კარგად გრძელდება. კარგად მახსოვს, როდესაც პირველად თბილისის მოდის კვირეულის დამწყები დიზაინერების კონკურსზე დემნა მოვიწვიე ერთ-ერთი ჟიურის წევრად. მას შემდეგ ჩვენი მეგობრობა გრძელდება. ჩვენების შემდეგ რათქმაუნდა Backstage-ში შევედი, დემნას მივულოცე ესეთი წარმატებული ჩვენება და ბევრი ვისაუბრეთ ქართულ მოდაზე, თბილისის მოდის კვირეულის წვლილზე ქართული მოდის ინდუსტრიის განვითარებაში, დემნას და გურამის წარმატებული სახელის ხელშეწყობამ ქართველი დიზაინერების პოპულარიზაციაში.
კულისებში ერთმა ქართველმა გოგომ ჩურჩხელა გადასცა დემნას, უთხრა დედამ საქართველოდან გამოგიგზავნაო. ყველას ეგონა, რომ ჩურჩხელა მე ჩავუტანე. დემნამ გვიწილადა ქართული ნუგბარი და Backstage-ში შემოსული პრესის წარმომადგენლები გაოცებულები გვიყურებდნენ თუ როგორ მივირთმევდით ჩურჩხელას. ვულოცავ კიდევ ერთხელ მათ ასეთ დიდ წარმატებას და მიხარია და ვამაყობ, რომ დემნა და გურამ გვასალიები ქართველები არიან!" - წერს თაკო ჩხეიძე.
