საქართველოს ფინანსთა სამინისტროს საგამოძიებო სამსახურს დღეიდან ყოფილი პროკურორი, გიორგი ბადაშვილი უხელმძღვანელებს. ფინანსთა მინისტრმა, ნოდარ ხადურმა ახალი უფროსი დღეს წარადგინა.
გიორგი ბადაშვილი 2006-2013 წლებში მუშაობდა ფინანსთა სამინისტროს საგამოძიებო სამსახურში სხვადასხვა თანამდებობაზე. 2013 წლის მაისიდან - ნოემბრამდე იყო შინაგან საქმეთა სამინისტროს ანტიკორუფციული სააგენტოს უფროსის მოადგილე, ხოლო 2014-2015 წლებში იკავებდა საქართველოს მთავარი პროკურორის პოსტს.
უწყების ყოფილი უფროსი, ლერი ბარნაბიშვილი ფინანსთა მინისტრის მოადგილის თანამდებობას დაიკავებს.