თურქეთში შეიარაღებული დაპირისპირების შედეგად ორი პოლიციელი და „ისლამური სახელმწიფოს" შვიდი წევრი დაიღუპა.
დაპირისპირება მას შემდეგ დაიწყო, რაც პოლიციამ სამხრეთ-აღმოსავლეთ თურქეთში, ქურთებით დასახლებულ ქალაქ დიარბაქირში რეიდები მოაწყო.
თურქეთის პოლიციის განცხადებით, მათ ჰქონდათ ინფორმაცია, რომ დიარბაქირში ოქტომბერში მომხდარი ტერაქტების სავარაუდო ორგანიზატორები იმყოფებოდნენ.
ტერაქტები ანკარაში 10 ოქტომბერს მოხდა, რასაც 100-ზე მეტი ადამიანი ემსხვერპლა.
