საქართველოს ფეხბურთის ფედერაციის პრეზიდენტის არჩევნები 3 ოქტომბერს გაიმართება. გადაწყვეტილება 14 აგვისტოს გამართულ აღმასკომის სხდომაზე მიიღეს.
პრეზიდენტობის მსურველებს კანდიდატურის წარდგენა, უკვე 15 აგვისტოდან შეეძლებათ.
შეგახსენებთ, რომ ამ დროისთვის სფფ-ის პრეზიდენტობის სურვილი რევაზ არველაძემ და ლევან კობიაშვილმა გამოთქვეს, ფედერაციის ამჟამინდელი პრეზიდენტი ზვიად სიჭინავა კი მომავალ არჩევნებში მონაწილეობას არ მიიღებს.
