დიღმის მასივში, შავი ზღვის უნივერსიტეტის მიმდებარე ტერიტორიაზე, სამარშრუტო ტაქსების მძღოლები არიან გაფიცული. ისინი კომპანია თბილისის მიკროავტობუსისგან დღიური გეგმის, 55 ლარის შემცირებას მოითხოვენ. ამასთან, ისინი შაბათ-კვირის დღიური გეგმის შემცირებასაც ითხოვენ და თვლიან, რომ ის სამუშაო დღეების თანაბარი არ უნდა იყოს.
მძღოლების ინფორმაციით, სულ 40-მდე ხაზია გაფიცული. სამარშრუტო ტაქსები არ მოძრაობენ დიდი დიღმიდან, დიღმის მასივიდან და გლდანიდან.
