ავსტრალიის ღია პირველობის ოთხგზის გამარჯვებული, როჯერ ფედერერი გათამაშებას მესამე რაუნდში გამოეთიშა. შვეიცარიელი იტალიელმა, ანდრეას სეპიმ გამოთიშა.
მეორე ნომრად განთესილმა ფედერერმა შეხვედრა 6-4 7-6 (7-5) 4-6 7-6 (7-5) დათმო, 46-ე ნომრად განთესილ სეპისთან.
ჩოგბურთელებს შორის გამართულ წინა ათივე დაპირისპირებაში გამარჯვება შვეიცარიელს რჩებოდა, ამჯერად კი სენსაციურად დამარცხდა.
"მე უბრალოდ მაქსიმუმი გავიღე და ეს ჩემს კარიერაში ნამდვილად ერთ-ერთი საუკეთესო შეხვედრა იყო," - განაცხადა მატჩის შემდეგ სეპიმ.
2003 წლის შემდეგ, ეს პირველი შემთხვევაა, როდესაც ფედერერმა მელბურნში ნახევარფინალამდეც კი ვერ მიაღწია.
"აშკარად ცუდი დღე მქონდა. რამდენჯერმე შემეძლო შეხვედრა ჩემს სასარგებლოდ შემომებრუნებინა, მაგრამ შეცდომები დავუშვი," - განაცხადა როჯერ ფედერერმა.