ბოლო 100 წლის მანძილზე გლობალური ეკონომიკა უპრეცედენტოდ მასშტაბური ეკონომიკური კრიზისის წინაშე აღმოჩნდა კორონავირუსის პანდემიის ფონზე. ცხადია, გამონაკლისი არც საქართველოა, საერთაშორისო ფინანსური ინსტიტუტების პროგნოზით, მიმდინარე წელს საქართველოს ეკონომიკა შესაძლოა 4,8%-დან 5,5%-მდე შემცირდეს. ეს რეგიონის ქვეყნებს შორის ყველაზე ცუდი მაჩვენებელია, შედარებისთვის, მსოფლიო ბანკის პროგნოზით, სომხეთის ეკონომიკა შესაძლოა 2.8%-ით შემცირდეს, აზერბაიჯანის კი − 2.6%-ით.