დაახლოებით 25-ზე მეტმა ქვეყანამ დაიწყო 12 წლის ზემოთ მოზარდების აცრა, ძირითადად ორი ტიპის ვაქცინით – ფაიზერით და მოდერნით. ეს პირველი კანადამ დაიწყო, შემდეგ აშშ-მ და გაგრძელდა: საფრანგეთში, გერმანიაში, დიდ ბრიტანეთში, ისრაელში, ავსტრიაში... მოგეხსენებათ, ახალი შტამები განსაკუთრებით აზიანებენ ბავშვებს და ადვილად ვრცელდებიან, ეს საკითხი სულ უფრო და უფრო აქტუალური ხდება. განსაკუთრებით აქტუალური გახდება დღეიდან, რამეთი გუშინ FDA-მ (ამერიკის წამლისა და საკვების ამინისტრაციამ) სრული ავტორიზაცია მისცა ფაიზერის ვაქცინას.
მიდის კვლევები უფრო პატარა ასაკში, 3 წლიდან ბავშვების აცრის. თუ ბავშვების იმუნიზაცია არ ჩატარდა, ისე, საბოლოო წერტილი პანდემიას ვერ დაესმევა, რადგან ბავშვები ერთ-ერთი ყველაზე ძლიერი გამავრცელებლები არიან ვირუსის. ჩვენ რაც შეგვეხება, ჩვენთვის მთავარი დასაყრდენი მაინც ჯანმრთელობის მსოფლიო ორგანიზაციაა. ვითვალისწინებთ აშშ-ს, ბრიტანეთის მარეგულირებლებს, ევროპის წამლის სააგენტოს და ა.შ, თუმცა, საბოლოო გადაწყვეტილებას ჯანმოს რეკომენდაციით ვიღებთ. როგორც ვიცი, ჯანმო-ში მიმდინარეობს აქტიური განხილვა 12 წლის ზემოთ ბავშვების აცრის და ვფიქრობ, შემოდგომაზე ეს საკითხი გადაწყდება და ჩვენც მივიღებთ ამ გადაწყვეტილებას. მაგრამ, არ გამოვრიცხავ, რომ იმუნიზაციის საბჭოზე ეს საკითხები იქნეს განხილული.