მიხეილ სააკაშვილის დაკავება

მეუფე სპირიდონი სააკაშვილზე: ცოდვებია ჩადენილი და ამბობ, შევრიგდეთო – როგორ? არ მოგინანიებია

როცა ასეთი საშინელი რაღაცები ხდებოდა, ამას უნდა სინანული, შვილო. ღმერთს არავის დაღუპვა არ უნდა - უფალი ამბობს, არა მნებავს სიკვდილი ცოდვილთა, არამედ მოქცევა და ცხონება მისიო - არა მოვედ წოდებად მართალთა, არამედ ცოდვილთა სინანულადო. ამიტომ, ის ყოველი ადამიანისგან სინანულს ელოდება, მაგრამ ჩვენ ამას ვერ ვხედავთ. 

[...] როცა ასეთი ცოდვებია ჩადენილი და შენ ამბობ, მოდი რა, შევდიგდეთო - როგორ შევრიგდეთ? არ მოგინანიებია, შე დალოცვილო. როგორც საჯაროდ ლანძღავდი, აგინებდი და აგინებ ეკლესიას, ასევე საჯაროდ უნდა მოინანიო ეს. როგორც საჯაროდ ქუჩებში ხვრიტავდი იმ პატარა ბავშვებს, უნდა გამოხვიდე და მოინანიო ეს. უნდა თქვა მთელი გულწრფელობით, რომ ეს არ არის სწორი, მაპატიოს ღმერთმა, ცოდვებში ჩავვარდი და  უფალს და შენს ქვეყანას სთხოვო შენდობა. როგორც დავითგარეჯი საჯაროდ გადააბარე აზერბაიჯანელებს, ეს წმინდა მიწის ნაწილი, საჯაროდ უნდა მოინანიო ეს. როგორც დაუთმე ეს მთელის სამაჩაბლო, ახალგორი და კოდორის ხეობა, საჯაროდ უნდა მოინანიო, თუ გინდა, გეპატიოს. ისე რა აზრი აქვს, გამოდის, რომ გინდა, ხელისუფლებაში დაბრუნდე, რომ მერე შურისძიებით უარესი გააკეთო.

ამბობს სხალთელი მიტროპოლიტი სპირიდონი ექსპრეზიდენტზე, მიხეილ სააკაშვილზე საუბრისას.

კომენტარები