გარემოს ეროვნული სააგენტოს ინფორმაციით, 12 თებერვლამდე საქართველოში ტემპერატურის მატებაა მოსალოდნელი.
სინოპტიკოსების ცნობით, სითბოს ფონზე საქართველოს ცალკეულ რაიონში, შესაძლოა, მცირე ნალექი აღინიშნოს. ჰაერის ტემპერატურა დღის საათებში დასავლეთ საქართველოს დაბლობში +17, +22, ხოლო აღმოსავლეთ საქართველოს ბარში +14, +19 გრადუსის ფარგლებშია მოსალოდნელი.
მათივე ინფორმაციით, თბილისში უნალექო ამინდი იქნება. ჰაერის ტემპერატურა დღისით +16, +18 გრადუსი დაფიქსირდება.