CRRC საქართველოს მიერ ჩატარებული კვლევის მიხედვით მოსახლეობის 37%-ის აზრით, ერთ წელიწადში მათი ოჯახის ფინანსური მდგომარეობა გაუარესდება. 29% თვლის, რომ იგივე დარჩება, 11%-ის აზრით, გაუმჯობესდება, 24% პასუხობს, რომ არ იცის.
კვლევა გასული წლის 8-14 დეკემბერს სატელეფონო გამოკითხვის მეთოდით არის ჩატარებული. გამოპასუხების დონე 29%-ია. გამოკითხულია 1 504 ადამიანი, შემთხვევითი ნომრების გენერირების პრინციპით. ინტერვიუები აზერბაიჯანულ, რუსულ, სომხურ და ქართულ ენებზე ჩატარდა.
ცდომილება:
- 5% და 95% ახლოს მყოფი შეფასებისთვის არის +/- 0.7%
- 10% და 90% ახლოს მყოფი შეფასებისთვის +/- 2.7%
- 25% და 75% ახლოს მყოფი შეფასებისთვის +/- 3.7%
- 40% და 60% ახლოს მყოფი შეფასებისთვის +/- 6.4%
- 50% ახლოს მყოფი შეფასებისთვის +/- 7.4%