ბოკუჩავა IRI-ს კვლევაზე: გადაუწყვეტელი ამომრჩეველი ხელისუფლების ცვლილებას ელოდება

ერთიანი ნაციონალური მოძრაობის დეპუტატის, თინა ბოკუჩას შეფასებით, IRI-ს კვლევებში გადაუწყვეტელი ამომრჩეველი ოპოზიციის მხარდამჭერია. გამოკითხვის მიხედვით, არჩევნები რომ ამ კვირას ტარდებოდეს, 36% ქართულ ოცნებას მისცემდა ხმას, 15% - ენმ-ს, 4% ევროპულ საქართველოს, ასევე 4-4% პატრიოტთა ალიანსს და სტრატეგია აღმაშენებელს, 3% ლეიბორისტულ პარტიას, 2-2% სამოქალაქო მოძრაობას, ლელოს და გირჩს, 1% - დემოკრატიულ მოძრაობას. 2% - სხვას, 3% - არცერთს, 23%-ს კი კითხვაზე პასუხი არ აქვს.