The New York Times-ის თანახმად, Facebook-ის 50 მილიონ ანგარიშზე ჰაკერული თავდასხმის შედეგად, ჰაკერებმა შეაღწიეს Facebook-ის დამფუძნებლის, მარკ ზაკერბერგის და საოპერაციო დირექტორის, შერილ სენდბერგის ანგარიშებში.
პარასკევს ფეისბუქის 50 მილიონ მომხმარებელს საკუთარ ანგარიში გამორთული დახვდა. ამის მიზეზი ჰაკერული თავდასხმა იყო. გამოძიება საწყის ეტაპზეა, დღემდე უცნობია მონაცემების დარღვევის სიმწვავე - შეძლეს თუ არა ჰაკერებმა მომხმარებელთა პირადი ინფორმაციის ხელში ჩაგდება.
Facebook-ის უსაფრთხოების დეპარტამენტის ხელმძღვანელის, გაი როსენის თქმით კომპანია გამოძიების ფედერალურ ბიუროსთან თანამშრომლობს. "რთულია იმის დადგენა, თუ ვინ იდგა ამის უკან. შესაძლოა ვერასდროს გავიგოთ."- ამბობს ის.
