პრემიერმა ღარიბაშვილმა ტელეკომპანია რუსთავი 2-ის გადაცემა პოზიციაში სტუმრობისას განაცხადა, რომ უფლებამოსილებაშაჩერებული მერის, გიგი უგულავას საქმესთან დაკავშირებით, ნაციონალური მოძრაობა სასამართლოზე ზეწოლას ახორციელებს.
"შეფასებები რაც მე მოვისმინე, არის ასევე პირდაპირი ზეწოლა პროკურატურაზე. შეფასებები, რაც მე მოვისმინე, იყო ზეწოლა მოსამართლეზე, რომელმაც მიიღო გადაწყვეტილება უგულავასთვის უფლებამოსილების შეჩერების თაობაზე. ჩვენი ერთ-ერთი მთავარი დაპირება იყო ის, რომ სასამართლო გახდებოდა რეალურად დამოუკიდებელი და გათავისუფლდებოდა იმ მონური უღელისგან, რომელიც თავზე ედგა 9 წლის განმავლობაში.
ჩვენ ვიცით რა გადაწყვეტილებების მიღება უხდებოდათ მოსამართლეებს იძულებით. ჩვენ ეს ყველაფერი დავამთავრეთ და სასამართლოზე არავითარი ზეწოლა არ არსებობს.
იგივე უგულავას საქმეზე პროკურატურა ითხოვდა მის დაკავებას. მოსამართლემ არ დააკმაყოფილა პროკურატურის ეს შუამდგომლობა და შეუფარდა გირაო 50 000 ლარის ოდენობით და უფლებამოსილება შეუჩერა. ანუ, ეს იყო მოსამართლის დამოუკიდებელი გადაწყვეტილება", - განაცხადა ღარიბაშვილმა.
მან ასევე სასაცილო უწოდა მოსაზრებას იმის შესახებ, რომ გიგი უგულავას გადაყენება მის მერის თანამდებობაზე ხელმეორედ არჩევის შიშს უკავშირდებოდა:
