Reuter-ის ინფორმაციით, პენტაგონი განიხილავს უკრაინას იაფი, მაღალი სიზუსტის მცირე ბომბები მიაწოდოს, რაც კიევს საშუალებას მისცემს, დაასუსტოს რუსეთის საბრძოლო ხაზებს.
გამოცემის ცნობით, აშშ-სა და მოკავშირეთა სამხედრო მარაგები მცირდება და ომის მიმდინარეობისას კი უკრაინას დამატებითი იარაღი კვლავ სჭირდება.
წყაროს ინფორმაციით, აშშ გეგმავს Boeing-ის შემოთავაზებული სისტემა - Ground-Launched Small Diameter Bomb (GLSDB) უკრაინასა და აღმოსავლეთ ევროპაში სხვა პარტნიორებს მიაწოდოს.
Reuters-ი დოკუმენტების მიმოხილვითა და სამ წყაროზე დაყრდნობით წერს, რომ GLSDB-ის აშშ უკრაინას 2023 წლის გაზაფხულისთვის მიაწვდის. GLSDB-ი GBU-39-ის მცირე დიამეტრის ბომბს (SDB) M26 სარაკეტო ძრავას აერთიანებს - ორივე მათგანი საკმაოდ გავრცელებულია აშშ-ს სამხედრო წარმოებაში.
M26 სარაკეტო ძრავა შედარებით მეტია წარმოებული და GBU-39 კი დაახლოებით $40 000 ღირს, შედეგად დასრულებული GLSDB-ი იაფია, რადგან მისი ძირითადი კომპონენტები ადვილად ხელმისაწვდომია.
GBU-39/B მცირე დიამეტრის ბომბი 113 კგ-ს იწონის და არის ზუსტად მართვადი, რომელიც გამიზნულია საჰაერო ხომალდისთვის უფრო მეტი რაოდენობის უფრო ზუსტი ბომბის ტარების უნარის უზრუნველსაყოფად.
აშშ-ს არმიის შეიარაღების მთავარმა შემსყიდველმა, დუგ ბუშმა პენტაგონში ჟურნალისტებს უთხრა, რომ არმია ასევე განიხილავს 155 მილიმეტრიანი საარტილერიო ჭურვების წარმოების დაჩქარებას, რაც ამჟამად მხოლოდ სამთავრობო ობიექტებში იწარმოება.