გუშინ ბრიტანელთა უმრავლესობამ ხმა მისცა ევროკავშირიდან ქვეყნის გასვლას. ეს არის დემოკრატიული გადაწყვეტილება, რომელსაც პატივი უნდა ვცეთ, თუმცა პირადად მე ვუერთდები ჩვენი კონტინენტის იმ ლიდერებს, რომლებიც სინანულს გამოთქვამენ ამასთან დაკავშირებით. მეორე მხრივ, მნიშვნელოვანია, გვახსოვდეს, რომ მშვიდობისა და თანამშრომლობის ევროპულ პროექტს ალტერნატივა არა აქვს და ის აუცილებლად გაგრძელდება. ეს რეფერენდუმი ვერ შეცვლის იმას, რომ ევროკავშირი ყველაზე მნიშვნელოვანი და ძლიერი პოლიტიკური და ეკონომიკური კავშირია მსოფლიოში, რომლის ძალა და სიმტკიცე კიდევ უფრო გაიზრდება. დადგა საკუთარ თავზე დაკვირვების და, ამასთანავე, კონსოლიდაციისა და განახლების დრო. დარწმუნებული ვარ, რომ ეს პროცესი შესაძლებლობას მისცემს ევროკავშირს გამოიყენოს თავისი ძლიერი მხარეები და კიდევ უფრო განმტკიცდეს და იაროს წინ. შესაბამისად, იმედის თვალით შევყურებ მომდევნო თვეებს, როცა ევროკავშირი შეასრულებს ისეთი ძლიერი ლიდერის როლს სამეზობლოში, როგორც ეს მსოფლიოში მის კუთვნილ ადგილს შეეფერება
tbl.ge/1s52
დაკოპირდა
პრემიერმინისტრის სპეციალური განცხადება ბრიტანეთის რეფერნდუმთან დაკავშირებით.
ამავე თემაზე
- ტუსკი: ძვირფასო ბრიტანელებო, ჩვენ ვიყავით, ვართ და ყოველთვის ვიქნებით ერთი საზოგადოება
- ლონდონში 10 000-ობით მოქალაქე BREXIT-ზე ხელახალი რეფერენდუმის მოთხოვნით მსვლელობას მართავს
- დიდი ბრიტანეთის საგარეო საქმეთა მინისტრი, ბორის ჯონსონი თანამდებობიდან გადადგა
- გირვანქა სტერლინგი Brexit-ის შემდეგ დოლართან მიმართებით მაქსიმალურ ნიშნულზე გამყარდა
- Brexit-ის შემდეგ, ბრიტანული წითელი პასპორტები ლურჯით ჩანაცვლდება