რუსეთის პრემიერ-მინისტრი ვლადიმირ პუტინი მზადაა მონაწილოება მიიღოს 2012 წლის საპრეზიდენტო არჩევნებში, რომელიც 2012 წლის 4 მარტს გაიმართება.ამის შესახებ 24 სექტემბერს, ”ედინაია რასიას” ყრილობაზე გახდა ცნობილი.” მინდა მადლობა მოგახსენოთ, რომ მხარს უჭერთ ჩემს გადაწყვეტილებას კენჭი ვიყარო პრეზიდენტის პოსტზე” - უთხრა პუტინმა პარტიის ყრილობის დელეგატებს და გამოთქვა იმედი, რომ მისი ხელახალი გაპრეზიდენტების შემდეგ, რუსეთის მთავრობას დმიტრი მედვედევი უხელმძღვანელებს. მანამდე, პუტინმა პარტიას შესთავაზა რუსეთის დუმის არჩევნებისთვის ( რაც 2011 წლის დეკემბერში გაიმართება) ”ედინაია რასიას” პარტიულ სიას მედვედევი ჩაუდგეს სათავეში. ’მე და მედვედევი შეთანხმებულები ვართ სამომავლო საკითხებზე”-თქვა პუტინმა. ყრილობაზე პუტინის გამოსვლამდე, თანაპარტიელებს დმიტრი მედვედევმა მოუწოდა მხარი დაუჭირონ საპრეზიდენტო არჩევნებში ვლადიმირ პუტინის კანდიდატურას.”პრეზიდენტად კენჭი ვლადიმირ პუტინმა უნდა იყაროს”-განაცხადა რუსეთის პრეზიდენტმა.
თავის დროზე ვლადიმირ პუტინი გამოვიდა ინიციატივით, საპრეზიდენტო ვადა რუსეთში 4 წლიდან 6 წლამდე გაზრდილიყო. 2012 წელს არჩეული პრეზიდენტი გაზრდილი საპრეზიდენტო ვადით უხელმძღვანელებს ქვეყანას.
