რომის პაპი ბენედიქტ XVI დღეს პირველ სახელმწიფო ვიზიტს იწყებს გერმანიაში. იქ პაპი ოთხ დღეს დარჩება. გერმანიის ბუნდესტაგის არაერთმა წევრმა განაცხადა, რომ ბოიკოტს გამოუცხადებს გერმანიის პარლამენტში რომის პაპის გამოსვლას. ბენედიქტ XVI -ის გერმანიაში ვიზიტის ფარგლებში საპროტესტო აქციების გამართვა დაიგეგმა. აქციების ორგანიზატორები კათოლიკური ეკლესიისგან ცელიბატის (სასულიერო პირთა დაუქორწინებლობა ეკლესიის მოთხოვნით) გაუქმებას მოითხოვენ და რომის პაპს პედოფილი მღვდლების სექსუალური ძალადობის მსხვერპლთა არასაკმარის მხარდაჭერაში ადანაშაულებენ.
