დიღომში მე-6 სართულიდან გადმოვარდნილ 3 წლის ბავშვს ოპერაცია ჩაუტარდა. ამ დროისთვის მისი ჯანმრთელობის მდგომარეობა მძიმეა.
"უკიდურესად მძიმეა. ოპერაცია დასრულდა. ბავშვი არის მართვით სუნთქვაზე", - უთხრეს ტაბულას ი. ციციშვილის სახელობის ბავშვთა კლინიკაში.
3 წლის ბავშვი საცხოვრებელი კორპუსის მე-6 სართულიდან გუშინ, 3 ივლისს გადმოვარდა. შინაგან საქმეთა სამინისტრომ მომხდარზე გამოძიება სისხლის სამართლის კოდექსის 124-ე მუხლით დაიწყო, რაც გაუფრთხილებლობით ჯანმრთელობის მძიმე ან დაკლებად მძიმე დაზიანებას გულისხმობს.
